اہل بیت(ع) نیوز ایجنسی ـ ابنا | پاکستان میں ایران کے سفیر ڈاکٹر رضا امیری مقدم نے بدھ [23 اکتوبر 2024ع] کے روز پاک بحریہ کے سربراہ ایڈمرل نوید اشرف سے ملاقات کی۔
اس موقع پر دو طرفہ تعلقات کی تازہ ترین صورتحال بالخصوص بحری شعبے میں تعاون کو وسعت دینے کے نئے مواقع تلاش کرنے پر تبادلہ خیال ہؤا۔
پاک بحریہ کے آپریشنل اور ٹریننگ ونگ کے عہدیداروں کے علاوہ پاکستان میں متعین ایران کے ملٹری اتاشی کرنل محمد محسن شہابی بھی اس موقع پر موجود تھے۔
فریقین نے ایران اور پاکستان کی بحریہ کے درمیان دوطرفہ تعلقات اور تعاون کے فروغ کی نئي راہوں کا تفصیل سے جائزہ لیا۔
حالیہ برسوں کے دوران ایران اور پاکستان کے درمیان فوجی، دفاعی اور میری ٹائم سلامتی کے شعبوں میں تعاون اور اعلیٰ سطحی وفود کے تبادلوں میں نمایاں اضافہ ہوا ہے۔
گذشتہ سال دسمبر میں پاک بحریہ کے کمانڈر ایڈمرل نوید اشرف نے اسلامی جمہوریہ ایران کی بحریہ کے کمانڈر ایڈمرل شہرام ایرانی سے بحر ہند کے ساحلی ملکوں کے نیول کمانڈروں کی کانفرنس کے موقع پر، تھائی لینڈ میں ملاقات کی تھی اور دوطرفہ تعاون کو مضبوط بنانے پر تبادلہ خیال کیا تھا اور 21 اگست 2021 کو اس وقت کے پاکستانی بحریہ کے کمانڈر نے تہران کا دورہ کرکے اپنے ایرانی ہم منصب سے ملاقات کی تھی۔
۔۔۔۔۔۔۔۔۔۔
110
